"Манчестер Сити" ҳимоячи Натан Аке билан шартномани узайтирмоқчи ва футболчини муваффақиятли ўйини учун мукофотламоқчи. Daily Star хабарига кўра, "шаҳарликлар" нидерландиялик футболчига маоши 50 фоизга оширилган меҳнат шартномасини таклиф қилишади.
Натан Аке айни дамда "Манчестер Сити"да ҳафтасига 80 минг фунт маош олмоқда. Янги шартнома имзолангач, 28 ёшли футболчининг ҳафталик маоши 120 000 фунтга (тахминан 135 000 евро) кўтарилади.
2022/2023 йилги мавсумда Натан Аке “Манчестер Сити” сафида 26 та ўйинда майдонга тушди. Уларда ҳимоячи иккита гол уришга муваффақ бўлди.
“Манчестер Сити” ҳозирда АПЛ турнир жадвалида иккинчи ўринда бормоқда.
