"Manchester Siti" himoyachi Natan Ake bilan shartnomani uzaytirmoqchi va futbolchini muvaffaqiyatli o‘yini uchun mukofotlamoqchi. Daily Star xabariga ko‘ra, "shaharliklar" niderlandiyalik futbolchiga maoshi 50 foizga oshirilgan mehnat shartnomasini taklif qilishadi.
Natan Ake ayni damda "Manchester Siti"da haftasiga 80 ming funt maosh olmoqda. Yangi shartnoma imzolangach, 28 yoshli futbolchining haftalik maoshi 120 000 funtga (taxminan 135 000 yevro) ko‘tariladi.
2022/2023 yilgi mavsumda Natan Ake “Manchester Siti” safida 26 ta o‘yinda maydonga tushdi. Ularda himoyachi ikkita gol urishga muvaffaq bo‘ldi.
“Manchester Siti” hozirda APL turnir jadvalida ikkinchi o‘rinda bormoqda.
