"ПСЖ" ҳужумчиси Килиан Мбаппе Мадрид клуби унинг жамоадоши ҳимоячи Ашраф Ҳакими билан шартнома имзолаган тақдирдагина "Реал"га ўтишга тайёр, дея хабар беради Todofichajes.
Нашрнинг ёзишича, “қаймоқранглилар” раҳбарияти аллақачон франциялик футболчининг хоҳиш-истакларидан хабардор ва икки футболчининг трансферини кўриб чиқишга тайёр.
Ҳакимий "Реал Мадрид" тарбияланувчиси бўлиб, 2015 йилдан 2020 йилгача Мадрид жамоаси тизимида ўйнаган.
Марокашлик ва парижликлар ўртасидаги амалдаги келишув 2026 йилнинг ёзига қадар тузилган. Transfermarkt порталига кўра футболчининг нархи 70 миллион еврога баҳоланмоқда.
2022 йилнинг ёзида Мбаппе "Реал"га текинга ўтиш имкониятига эга бўлди. Бироқ сўнгги паллада француз ўз фикридан қайтди ва парижликлар билан шартномани узайтирди.
24 ёшли франциялик футболчининг "ПСЖ" билан амалдаги шартномаси 2025 йилгача мўлжалланган. У "Реал"га ўтиш учун 2024 йилнинг ёзида шартномани бекор қилиши мумкинлиги хабар қилинганди.
У жорий мавсум парижликлар сафида 28 та ўйинда майдонга тушиб, 27 та гол урди ва 6 та голли узатмани амалга оширди. Transfermarkt порталига кўра футболчининг нархи 180 миллион еврога баҳоланмоқда.
