"Реал" ярим ҳимоячиси Лука Модрич Мадрид клуби билан янги шартнома борасидаги вазият ҳақида гапирди.
“Мен ҳали клуб билан гаплашмадим. Албатта қолмоқчиман. Аммо улар бунга мени лойиқ кўрса. Мен Лука Модрич эканлигим учун эмас.
Келажакда нима бўлишидан қатъий назар, мен "Реал"ни доимо севаман. Бу менинг фаолиятимдаги асосий клуб", — деди Модрич Marca нашрига.
Ёзда эркин агентга айланиши мумкин бўлган Модричга Саудия Арабистонидан таклиф бўлган эди.
Жорий мавсумда 37 ёшли ярим ҳимоячи “Реал” сафида жами 30 та ўйинда майдонга тушиб, 6 та гол урди ва 3 та голли узатмани амалга оширди.
