Аргентиналик собиқ ҳужумчи Эктор Бракамонте ўтган йили Қатарда бўлиб ўтган ЖЧ-2022 вақтида ҳамюрти Эмилиано Мартинеснинг хатти-ҳаракатлари ҳақида гапирди.
"Мартинеснинг хатти-ҳаракати ҳазил ва ҳақиқат аралашмасидир. Бу ҳолат Америка Кубогида бошланган. Футболчилар фақат салбий хабарларни эшитишади. Худди ўша Месси 14 йилдан бери ўзининг қанчалик ёмон эканини тинглаб келмоқда" - деди Бракамонте .
Эслатиб ўтамиз, Аргентина терма жамоаси финал ўйинида Франция термасини мағлуб этиб (3:3, пенальтилар бўйича 4:2) жаҳон чемпионати ғолибига айланди. Жаҳон чемпионати якунларига кўра, Мартинес турнирнинг энг яхши дарвозабони деб топилди.
