"Челси" ярим ҳимоячиси Рубен Лофтус-Чик фаолиятини "Лидс"да давом эттириши мумкин, деб хабар беради Daily Express.
Манбанинг хабарига кўра, "товуслар" 27 ёшли англиялик футболчига қишки трансфер ойнасида қизиқиш билдиришган ва ёзда трансферни амалга оширишга ҳаракат қилиш ниятида.
Лофтус-Чик "Челси" тарбияланувчиси бўлиб, 2022/23 йилги мавсумда барча мусобақаларда 22 ўйинда 1 голга ассистентлик қилган. Transfermarkt.com портали футболчини 25 миллион еврога баҳоламоқда.