"Порту" ярим ҳимоячиси Марко Груич "Интер"га қарши Чемпионлар лигаси 1/8 финал дастлабки ўйинидан олдинги фикрлари билан ўртоқлашди.
"Интер"да яхши ўйинчилар кўп. Улар узоқ вақтдан бери бир хил тизимда машғулот ўтказишмоқда ва улар ўз вазифаларини жуда яхши уддалашмоқда. Биз бу ўйинга яхши тайёргарлик кўрдик. Ўзимизга ишонамиз ва орзу қилишга ҳақлимиз.
Яхши ғалабали сериямиз давом этмоқда. Биз фақат ўз ўйинимизни ўйнашга, қилишимиз керак бўлган нарсани қилишга ва энг яхши фазилатларимизни кўрсатишга ҳаракат қиламиз. Ижобий натижага эриша олишимизга шубҳа қилмаймиз", - деди Груич УЕФА расмий сайтига.
