"ПСЖ" тиббиёт штаби бразилиялик ҳужумчи Неймарни иккинчи тиббий кўрикдан ўтказди.
Эслатиб ўтамиз, жанубий америкалик футболчи яқинда Франция чемпионатининг "Лилл"га қарши ўйинида (4:3) жароҳат олган эди.
Париж клуби матбуот хизмати хабарига кўра, 31 ёшли футболчига тўпиғи чўзилиб, лигаментлари шикастлангани аниқланган. Кейинги ҳафта футболчи яна бир янги текширувдан ўтказилади.
Франция чемпионатининг жорий мавсумида Неймар 20 та жанг ўтказиб, 13 та гол ва 11 та голли узатмани амалга оширган. Унинг парижликлар билан шартномаси 2025 йилнинг ёзига қадар мўлжалланган.
