"ПСЖ" ҳужумчиси Лионель Месси фаолиятини Европада давом эттирмоқчи, дея малум қилди Tyc Sports журналисти Гастон Эдул.
Манбага кўра, 35 ёшли футболчи август ойида "Олтин тўп"га аниқ номзод бўлиш, яхши ҳолатда 2024 йилги Америка кубогига бориш ва Чемпионлар лигасида навбатдаги ғалабага эришиш учун фаолиятини Европада давом эттирмоқчи.
Журналист шунингдек, Европада Месси “Барселона” ёки “ПСЖ”дан бошқа клубда ўйнамаслигини ҳам қўшимча қилди. Бу оилавий масалалар билан боғлиқ. Ҳозирда ҳужумчи ва "Барселона" ўртасида музокаралар йўқ.
Мессининг парижликлар билан амалдаги шартномаси жорий мавсум охирида якунига етади. Ҳужумчи жорий мавсум “ПСЖ” сафида барча турнирлар доирасида 27 та ўйинда майдонга тушиб, 16 та гол ва 14 та голли узатмани амалга оширди.