Италияда ваколатли органлар "Ювентус" устидан тергов ишларини давом эттирмоқда. 2020 йилда пандемиянинг дастлабки босқичларида Турин клуби футболчиларга спорт адолати кодексининг моддаларидан бири билан тақиқланган молиявий ҳисоботни четлаб ўтган ҳолда, маош тўлаши мумкин эди.

La Repubblica нашри хабарига кўра, Пауло Дибала бу ҳафта иккинчи марта терговчилар билан гаплашган. Агар аргентиналик футболчи "Ювентус"дан яширин тўловлар олганликда айбдор деб топилса, у камида бир ойга дисквалификация қилиниши мумкин.

Пауло Дибала ўтган йили "Ювентус"ни тарк этганди. Айни дамда аргентиналик ҳужумчи "Рома"да ўйнамоқда.