Франция терма жамоаси ва Франкфуртнинг “Айнтрахт” клуби марказий ҳужумчиси Рандал Коло-Муани Европанинг бошқа клубига ўтиши мумкин.
Calciomercato ўз саҳифаларида хабар беришича, 24 ёшли футболчининг хизматларига "Наполи" ва "ПСЖ" клублари қизиқиш билдирмоқда. Рандалнинг трансфер нархи 37 миллион еврога баҳоланмоқда ва унинг "Айнтрахт" билан амалдаги шартномаси 2027 йилнинг ўрталарига қадар амал қилади.
Германия чемпионатининг жорий мавсумида Коло-Муани 20 та бахс ўтказиб, ўнта гол (биттаси пенальтидан) ва ўнта голга ассистентлик қилган.