"Манчестер Юнайтед" бош мураббийи Эрик тен Хаг афсонавий Алекс Фергюсон билан кечки овқат пайтини бирга ўтказди. Тегишли фотосурат ижтимоий тармоқларда пайдо бўлди.
Тен Хаг жуда муҳим учрашувлар олдидан Фергюсон билан учрашишга вақт топди. Пайшанба куни “Манчестер Юнайтед” Европа лигасининг жавоб ўйинини “Барселона”га қарши ўтказади (биринчи ўйин 2:2 ҳисобидаги дуранг билан якунланган), якшанба куни эса “Ньюкасл”га қарши Англия лига кубоги финалини ўтказади.
Алекс Фергюсон 1986-2013 йилларда “Манчестер Юнайтед”ни бошқарган. Шотландиялик мураббий бошчилигида "қизил иблислар" кўплаб совринларни қўлга киритишди, жумладан, 13 марта Премьер-лига чемпионлиги.
