2009 йилги УЕФА кубоги ғолиби, "Шахтёр" ва Москванинг "Спартак" клубларининг собиқ ҳужумчиси Луис Адриано Туркиянинг "Антальяспор" клубини тарк этиб, Бразилиянинг "Интернасионал" клубига кўчиб ўтди.
Бу ҳақда Transfermarkt портали хабар бермоқда. 35 ёшли форвард янги клуби билан шу йил охиригача шартнома имзолаган.
Жорий мавсумда Адриано "Антальяспор" сафида 22 та расмий ўйинда майдонга тушди ва 4 марта гол урди ва иккита голли узатмани амалга оширди. Адриано Туркияга қарийб роппа-роса бир йил аввал Бразилиянинг бошқа бир клуби – “Палмейрас”дан кўчиб ўтганди.
