“Манчестер Сити” ярим ҳимоячиси Риёд Махрез Чемпионлар лигаси 1/8 финалида “Лейпциг”га қарши ўйинда (1:1) энг яхши футболчи деб топилди.
Жазоирлик футболчи 27-дақиқада ҳисобни очди. Ўйиндан сўнг унга эсдалик совғаси топширилди.
УЕФА техник кузатувчилари жамоаси шундай фикр билдирди: “У гол урди ва дриблингидан яхши фойдаланди".
Жавоб ўйини 14 март куни Англияда бўлиб ўтади. Учрашув Тошкент вақти билан 01:00 да бошланади.