«Манчестер Юнайтед»нинг собиқ футболчиси Рио Фердинанд «Манчестер Сити»нинг Чемпионлар лигаси 1/8 финали доирасидаги «Лейпциг»га (1:1) қарши биринчи учрашуви натижаси ҳақида фикр билдирди.

«90 дақиқа давомида устунлик қилиш жуда камдан-кам ҳолларда учрайди. Пеп ниманидир ўзгартирган деб ўйлашингиз мумкин. У шахматчи, қийин вазиятлардан чиқиб кета олади. Бироқ кеча иккинчи бўлимда «Сити» буни уддалай олмади.

Менга ҳали ҳам «Ман Сити» ёқади. Биринчи бўлимда улар энг зўр жамоа эканликларини кўрсатишди», - дея Фердинанднинг сўзларидан иқтибос келтиради УЕФА матбуот хизмати.

Жавоб ўйини 14 март куни Англияда бўлиб ўтади.