Мадриднинг “Реал” клуби Дортмунднинг “Боруссия” клубининг ярим ҳимоячи Жуд Беллингем трансфери борасидаги талабларини қондиришга тайёр эмас. Журналист Девид Орнштейн хабарига кўра, "асаларилар" 19 ёшли ярим ҳимоячиси учун 150 миллион евро талаб қилмоқда.
"Реал Мадрид" Беллингем атрофидагилар билан ижобий музокаралар олиб борди, аммо "Қироллик клуби" раҳбарияти футболчи учун катта пул тўламоқчи эмаслигига қатъий қарор қилди.
Агар кимдир Беллингем учун 150 миллион евро тўласа, инглиз футболчиси 2017 йилнинг ёзида "ПСЖ"га ўтган Неймар ва Килиан Мбаппедан кейин тарихдаги энг қиммат учинчи футболчига айланади.