Ўзбекистон ёшлар терма жамоаси (U19) Вьетнамдаги халқаро мусобақада ўзининг илк учрашувини ўтказди. Аҳмаджон Мусаев шогирдларига Австралия ёшлар терма жамоаси рақиблик қилди.

Ўйиннинг биринчи бўлим охирларида яшил қитъа вакиллари ҳисобни очишга муваффақ бўлишди. Иккинчи бўлимда эса терма жамоамиз ҳисобни тенглаштириш мақсадида олдинга интилишди ва уларнинг ҳаракатлари ўз самарасини берди.

78-дақиқада ҳисобни тенглаштирган вакилларимиз, ўйиннинг энг сўнгги дақиқасида ғалаба тўпини киритишди ва дастлабки 3 очкони ўз ҳисобларига ёзиб қўйишди.

Мусобақадаги икккинчи ўйинни терма жамоамиз 4 сентябрь куни Эрон ёшларига қарши ўтказади. Ўйин Тошкент вақти билан соат 14:00да бошланади.

ВЬЕНТАМ ХАЛҚАРО ТУРНИРИ
1-ТУР. 2 сентябрь, якшанба
АВСТРАЛИЯ U19 - ЎЗБЕКИСТОН U19 - 1:2 (1:0)
Голлар: Терри Антонис (36) - Абдул Азиз Юсупов (80), Жаҳонгир Абдумўминов (90).

Ўзбекистон (U19): Асилбек Омонов, Тохир Шамсиддинов, Бобур Йўлдошев, Жалолиддин Саидов, Жавлон Мирабдуллаев, Муҳсинжон Убайдуллаев, Владимир Козак, Аббос Махсталиев, Жаҳонгир Абдумўминов, Азизбек Муротов, Игорь Сергеев.

Захирадан майдонга тушганлар: Акмал Турсунбоев, Искандар Шайқулов, Сардор Собирхўжаев, Жамшид Искандеров, Ихтиёр Тошпўлатов, Абдул Азиз Юсупов, Сергей Рекун, Акмал Тўхтаев.

16:30. ВЬЕТНАМ U19 - ЭРОН U19