"Манчестер Юнайтед" ёзги трансфер ойнасида "Наполи" ҳимоячисини сотиб олишни режалаштирмоқда. Correira Della Sport хабарига кўра, Ким Мин Чжэ "қизил иблислар"нинг радарида.
Кимнинг шартномасида унинг 42 миллион фунт стерлинг (48 миллион евро) эвазига сотиб олиниши ҳақидаги товон пули банди бор. Ушбу банд ёзда 15 кун давомида амал қилади. Бу ойнада "МЮ" таклиф юбориши мумкин.
Шу билан бирга, "Наполи" 26 ёшли ҳимоячи билан товон пулини 57 миллион фунтга (65 миллион евро) ошириш шарти билан янги шартнома борасида музокаралар олиб боришга ҳаракат қилаётгани қайд этилган.
Ким Мин Джэ ўтган ёзда "Фенербахче"дан "Наполи"га ўтган эди.
