Испания терма жамоаси ва Мадриднинг "Реал" клуби собиқ ярим ҳимоячиси Гути "ПСЖ" ҳужумчиси Килиан Мбаппенинг “қироллик клуби" сафига ўтиш истиқболлари ҳақида гапириб, агар у испан грандига ўтишни истаса, у қолган жамоа аъзоларидан муҳимроқ бўлмаслигини тушуниши кераклигини айтди.
"Агар Мбаппе "Реал"га ўтишни истаса, у буни бошини эгиб, кийиниш хонасидаги ўйинчилардан бири эканлигини тушуниши керак. Агар бу унга тўғри келмаса, у қайси клубга боришини билмайди. Ҳақиқат шундай. Фигу, Роналду клубга келди... Парижда ишлар қандай кетаётганини ва "ПСЖ"нинг кийиниш хонаси қандай ташкил этилганини билмайман. У дунёнинг энг яхши ўйинчиси бўлиши мумкин, аммо "Реал" ҳаммадан каттароқ", - деди Гути El Chiringuito билан суҳбатда.
