Англиянинг «Манчестер Юнайтед» клуби «Барселона»дан ўтиб, Европа лигасининг 1/8 финалига йўл олди, жавоб ўйинида Эрик тен Хаг шогирдлари иккита гол урди ва омадсиз бошланган баҳсни ўз томонига оғдирди.
Маълум бўлишича, бу уругвайлик ҳимоячи Рональд Араухонинг Каталония клубидаги 100-учрашуви бўлди, у 2018 йилда жамоа сафига қўшилган, бироқ 2019 йилнинг кузигача майдонга тушмаган. Араухо «Барселона»даги 100-учрашуви ҳақида шундай фикр билдирди:
«Албатта, мен юбилей ўйинда ғалаба қозонишни хоҳлардим, аммо бу рўй бермади. Ростини айтсам, «Барселона»га келганимда улар учун юзта ўйин ўтказаман деб ўйламагандим.
Мен қаттиқ меҳнат қиляпман ва умид қиламанки, олдинда яна кўплаб ўйинлар бор», - дея Араухонинг сўзларини келтиради клуб матбуот хизмати.
