"Реал"нинг собиқ ҳимоячиси Марсело "қироллик клуби"да улар раҳбарлигида ишлашга муваффақ бўлган энг яхши мураббийлар ҳақида гапирди.
“Энг яхши мураббийлар? Моуриньо билан ишлаш менга жуда ёқди. У менга янада тажовузкор бўлиб, ҳар бир тўп учун курашишимга ёрдам берди. Зидан бутун жамоани хурсанд қилди ва менга Анчелоттининг ёққан жиҳати шундаки, у ҳамма нарсада хотиржам эди”, деди Марсело Diario AS нашрига.
Эслатиб ўтамиз, Моуриньо 2010 йилдан 2013 йилгача "Реал"ни бошқарган. Айни дамда португалиялик мутахассис "Рома"да ишламоқда ва у ерда иккинчи мавсумни ўтказмоқда. Марсело ҳозирда эркин агент.
