23 февраль, пайшанба куни Нидерландиянинг ПСВ ҳамда Испаниянинг “Севилья” клублари ўртасида Европа лигаси 1/16 финалининг жавоб учрашуви бўлиб ўтди.
Ўйин 2:0 ҳисобида Эйндховен клуби фойдасига ҳал бўлган бўлса-да, биринчи ўйин 3:0 ҳисобида якунлангани сабабли, мусобақанинг 1/8 финалида “қизил-оқлар” йўл олди.
Ўйин якунига яқин ПСВ мухлиси майдонга югуриб чиқиб, “Севилья” дарвозабони Марко Дмитровичга зарба берди. Бироқ сербиялик дарвозабон хушини йўқотмади ва бир неча сония ичида қоидабузарни босиб олди.
Ушбу воқеа трансляцияга тушмади, бироқ мухлислар уни телефонлари орқали ёзиб олиб, ижтимоий тармоқларга жойлаштирдилар.