"Челси" ва Аргентина терма жамоаси ярим ҳимоячиси Энцо Фернандес ўз ҳамюрти, "ПСЖ" ҳужумчиси Лионель Месси ҳақида ўз фикрлари билан ўртоқлашди.
Фернандеснинг сўзларига кўра, Месси аргентиналик афсона бўлишига қарамай, у камтар ва меҳнаткаш инсон.
"Мен ҳар доим Лео Месси мен яхши кўрадиган футболчи эканлигини айтганман. Лео - менга жамоада муҳаббат ва қўллаб-қувватлаш берган ажойиб инсон", - деди Фернандес "Челси" матбуот хизматига.
Эслатиб ўтамиз, ўтган йили Месси ва Фернандес Аргентина терма жамоаси билан жаҳон чемпионлигини қўлга киритганди. 35 ёшли ҳужумчи турнирнинг энг яхши футболчиси деб топилди, 22 ёшли ярим ҳимоячи эса жаҳон чемпионатининг энг яхши ёш футболчиси бўлганди.
