"Манчестер Юнайтед" ҳимоячиси Лисандро Мартинес бош мураббий Эрик тен Хаг "Барселона"га қарши ўйиндаги танаффусда жамоани қандай қилиб "уйғотиб" юборишга муваффақ бўлгани ҳақида гапирди.
Эслатиб ўтамиз, "қизил иблислар" "Олд Траффорд"да 2:1 ҳисобида иродали ғалаба қозониб, кейинги босқич йўлланмасини қўлга киритган эди.
“Мен тен Хаг танаффусда кийиниш хонасида нима деганини айта олмайман. У бизни "уйғотиш"га муваффақ бўлди. Иккинчи бўлимга бутунлай бошқача чиқдик. Биз биринчи бўлимда жамоага ўхшамадик" - деди Мартинес ўйиндан кейинги интервьюсида.
Бугунги қуръа натижаларига кўра, Европа лигасининг ⅛ финалида "Манчестер Юнайтед" Испаниянинг бошқа бир жамоаси - "Бетис" билан ўйнаши маълум бўлди.
