"Ювентус" ҳужумчиси Анхел Ди Мария Европа лигасида ҳафтанинг энг яхши футболчиси деб топилди.
УЕФА расмий сайти мухлислар ўртасида ўтказилган Европа Лигасида ҳафтанинг энг яхши футболчисини аниқлашда 35 ёшли аргентиналик футболчининг ғалаба қозонгани ҳақида хабар берди.
Эслатиб ўтамиз, 23 феврал куни "Ювентус" Европа лигаси плей-офф босқичи жавоб ўйинида меҳмонда "Нант"ни 3:0 ҳисобида мағлуб этиб, турнирнинг 1/8 финалига йўл олганди. Ди Мария ушбу учрашувда хет-трик муаллифига айланди.
Массимилиано Аллегри шогирдларининг навбатдаги рақиби Германиянинг “Фрайбург” клуби бўлади. Биринчи ўйин 9 март куни, жавоб ўйини эса 16 мартга белгиланган.
