Роберт Левандовски Европа Лигасидан чиқиб кетганидан кейин Ансу Фати ҳақида гапирди.

"Барселона" форварди "Манчестер Юнайтед"га қарши ўйиннинг қўшиб берилган вақтида (1:2) Фати Ферран Торреснинг узатмасини тўхтатиб қолиб, польшаликнинг қулай вазиятдан бошига зарба беришига тўсқинлик қилди. 1 февраль куни “Бетис” билан ўйинда (2:1) ҳам худди шундай ҳолат кузатилганди.

"Манчестер Юнайтед" билан ўйинда Левандовски Ансунинг Торрес ва Жорди Альба билан қилган ҳаракатларидан норозилигини айтиб ўтди.

AS нашрининг ёзишича, ўйиндан сўнг Робертнинг ўзи кийим алмаштириш хонасида жамоадошига шикоят қилган. Ҳужумчи хотиржамлик билан Фатига уни икки бор голдан маҳрум қилганини тушунтирди. Левандовски шеригини жарима майдончасидаги вазиятни синчковлик билан баҳолашга ва ҳар қандай ҳолатда ҳам гол уришга уринмасликка чақирди, чунки бу жамоага зарар этказиши мумкин.

Ансу Левандовскини кўрмаганига ишонтириб, узр сўради. Қанот ҳужумчиси унинг зарбаси жуда омадсиз бўлганини тан олди.