"Болонья" бош мураббийи Тьяго Мотта "Интер"нинг эътиборини тортди.
"Нерадзуррилар" мавсумни муваффақиятсиз бошлаганидан сўнг ўзларини тиклашга муваффақ бўлишди: жамоа аллақачон Италия Суперкубогини қўлга киритди, А серияда иккинчи ўринда бормоқда, Италия кубогининг ярим финалида ўйнайди. Чемпионлар лигасининг 1/8 финали дастлабки ўйинида “Порту” устидан (1:0) ғалабага эришди. Шунга қарамай, Италия ОАВларида Симоне Индзаги келажаги ҳамон шубҳа остида. Calciomercato хабарига кўра, "Интер" "Болонья"нинг амалдаги бош мураббийи Тьяго Мотта номзодини кўриб чиқмоқда. 40 ёшли мутахассисга "ПСЖ" ҳам қизиқиш билдирмоқда.
Мотта бошчилигидаги "Болонья" 23-турдан кейин А Серия турнир жадвалида 8-ўринда бормоқда.
