«Байер»нинг ўнг қанот ҳимоячиси Жереми Фримпонг Европанинг топ клублари қизиқиш марказида қолмоқда.
Журналист Фабрицио Романонинг сўзларига кўра, голландиялик ёш футболчига ёзда талаб катта бўлади.
Манбага кўра, Фримпонг қишдаёқ «Байер»ни тарк этиши мумкин эди, аммо «доричилар» футболчининг кетишига тўсқинлик қилишган.
Олдинроқ ўнг қанот ҳимоячисига «Манчестер Юнайтед» қизиқиш билдираётгани ҳақида хабарлар тарқалган эди.
Фримпонг жорий мавсумда барча мусобақаларда 5 та гол ва 7 та голли узатмани амалга оширди. Transfermarkt голландиялик футболчини 24 миллион еврога баҳоламоқда.
