«Bayer»ning o‘ng qanot himoyachisi Jeremi Frimpong Yevropaning top klublari qiziqish markazida qolmoqda.

Jurnalist Fabrisio Romanoning so‘zlariga ko‘ra, gollandiyalik yosh futbolchiga yozda talab katta bo‘ladi.

Manbaga ko‘ra, Frimpong qishdayoq «Bayer»ni tark etishi mumkin edi, ammo «dorichilar» futbolchining ketishiga to‘sqinlik qilishgan.

Oldinroq o‘ng qanot himoyachisiga «Manchester Yunayted» qiziqish bildirayotgani haqida xabarlar tarqalgan edi.

Frimpong joriy mavsumda barcha musobaqalarda 5 ta gol va 7 ta golli uzatmani amalga oshirdi. Transfermarkt gollandiyalik futbolchini 24 million yevroga baholamoqda.