"Манчестер Юнайтед" ҳимоячиси Люк Шоу жамоадоши Лисандро Мартинес ҳақида гапирди.

“Мен унинг фазилатларини кўраман, унинг иштиёқини, тажовузкорлигини ҳис қиламан. У мутлақ йиртқич ҳайвон. Аввалига унинг паст бўйи ҳақида кўп саволлар бор эди, лекин мен учун бу суҳбатлар сафсата эди. У ажойиб футболчи ва у ҳали ёш. У янада яхшиланиб бораверади”, деди Шоу.

Лисандро Мартинес ёзда "Аякс"дан "Манчестер Юнайтед"га ўтган эди. Ўшандан бери аргентиналик футболчи "қизил иблислар" сафида 34 та ўйин ўтказиб, битта гол урган.

26 февраль, якшанба куни “Манчестер Юнайтед” Лига кубоги финалида “Ньюкасл” билан ўйнайди.