Франция футбол федерацияси аёллар терма жамоасининг уч нафар футболчиси Венди Ренар, Мари-Антуанетт Катото, Кадидиату Диани бош мураббий Коринн Дьякр билан келишмовчиликлар туфайли жамоани тарк этиш қарори ортидан баёнот берди.
"ФФФ Ренард, Диани ва Катотонинг сўзларини эътиборга олди. 28 февралда йиғиладиган Ижроия қўмитаси бу масалани кўриб чиқади. ФФФ эслатиб ўтадики, ҳеч бир футболчи Франция терма жамоасидан муҳимроқ бўла олмайди", — дейилади Франция футбол федерацияси расмий сайтида чоп этилган баёнотда.
Эслатиб ўтамиз, томонлар можарони ҳал қила олмаса, терма жамоа етакчилари ҳисобланган Ренар, Катото ва Диани 2023 йилнинг июлидан августигача бўлиб ўтадиган аёллар ўртасидаги жаҳон чемпионатини ўтказиб юборишади.
