Англиянинг "Тоттенҳэм" клубидан "Гамбург"га қайтган яримҳимоячиси Рафаэль Ван дер Варт воқеаларнинг шундай кўринишидан хурсанд эканлигини билдирди, дея хабар беради немис матбуоти.
Голандиялик футболчи клуб билан 3 йиллик шартнома имзолади ва жамоа ғалабаларига ҳисса қўшиш истагида ёнмоқда.
Таъкидлаш жоиз, кўпчилик мутахассисларнинг фикрига кўра, "Гамбург" бу мавсум немис футбол элитаси рўйхатида ўрнини сақлаб қолиш учун курашга мажбур бўлар экан. Бунга жавобан футболчи қуйидагиларни айтди: "Мен уч йиллик шартномани имзоладим ва менга қайси лигада ўйнашнинг фарқи йўқ. Аммо бизда яхши жамоа бор ва у яқин вақтлар ичида муваффаққиятлар қозона бошлайди, деб ўйлайман. "Гамбург"да иқтидорли футболчилар бор, йўқса бу ерга келмасдим".