Ҳимоячи Крис Смоллингнинг келажаги мавҳумлигича қолмоқда. 33 ёшли футболчининг “Рома” билан амалдаги шартномаси мавсум охирида якунига етади.
Римликлар футболчини сақлаб қолмоқчи, кўплаб клублар, хусусан, ёзда Милан Шкриньр билан хайрлашадиган "Интер" ҳам Смоллингга қизиқиш билдирмоқда.
Calciomercato нашри хабарига кўра, Крис Смоллинг "Рома"га шарт қўйган. Англиялик футболчига бир эмас, икки йиллик шартнома таклиф қилинсагина римликлар таркибида қолади.
Умуман олганда, Крис Смоллинг “Рома” сафида 128 та ўйинда майдонга тушди. Уларда ҳимоячи 10 та гол урди ва шерикларига тўртта самарали узатма берди.