Дортмунднинг "Боруссия" клуби Бундеслигадаги ғалабали сериясини давом эттирди.
Эдин Терзич шогирдлари Бундеслиганинг 22-тури доирасидаги сафарда "Хоффенхайм"ни минимал ҳисобда мағлуб этишди.
Opta портали хабарига кўра, "Боруссия” календарь йили бошида Германия чемпионатининг еттита учрашувидан еттитасида ғалаба қозониб, клуб рекордини такрорлади. Илгари дортмундликлар буни 2012 йилда - жамоа сўнгги чемпионликни қўлга киритган мавсумда уддалаган эди.
Бугунги муваффақиятдан сўнг, "Боруссия" турнир жадвалида биринчи ўринга чиқиб олди, аммо "Бавария" ва "Унион" ҳали ўз учрашувини ўтказгани йўқ, улар ўзаро тўқнаш келишади.
