Dortmundning "Borussiya" klubi Bundesligadagi g‘alabali seriyasini davom ettirdi.
Edin Terzich shogirdlari Bundesliganing 22-turi doirasidagi safarda "Xoffenxaym"ni minimal hisobda mag‘lub etishdi.
Opta portali xabariga ko‘ra, "Borussiya” kalendar yili boshida Germaniya chempionatining yettita uchrashuvidan yettitasida g‘alaba qozonib, klub rekordini takrorladi. Ilgari dortmundliklar buni 2012 yilda - jamoa so‘nggi chempionlikni qo‘lga kiritgan mavsumda uddalagan edi.
Bugungi muvaffaqiyatdan so‘ng, "Borussiya" turnir jadvalida birinchi o‘ringa chiqib oldi, ammo "Bavariya" va "Union" hali o‘z uchrashuvini o‘tkazgani yo‘q, ular o‘zaro to‘qnash kelishadi.
