"Наполи" ҳужумчиси Виктор Осимхен "Манчестер Сити" футболчиси Эрлинг Холандга қиёслаш борасида ўз фикрларини билдириб ўтди.
Неаполликлар етакчиси жорий А Серия мавсумида ҳозирча 19 та гол урди (2:0). Фақатгина Премьер-лигада 27 марта гол урган Эрлинг Холандда Европанинг кучли бешлик лигаларидаги ўйинлар ва голлар нисбати Осимхендан яхшироқ.
“Бу мавсум мен учун ажойиб ўтмоқда, Европанинг энг яхши ҳужумчилари қаторида бўлиш ажойиб. Мен худди шу руҳда давом этиб, жамоамни эзгу мақсад сари яқинлашишига ёрдам бермоқчиман. Албатта, Холанд юқори даражадаги ҳужумчи, уни ҳурмат қилиш керак. Умид қиламанки, мавсум охирига қадар мен шу савияда қоламан", - деди Осимхен DAZN нашрига берган интервьюсида.
