«Манчестер Юнайтед» ҳужумчиси Робин ван Перси «Саутҳэмптон»га қарши ўйинда Пол Скоулзнинг майдонга туширилиши билан ўйинда туб бурилиш ясалганини қайд этиб ўтди.
«Албатта, барча футболчилар бу ўйинда тер туқиб меҳнат қилишди. Бироқ мен Пол Скоулзни алоҳида қайд этиб ўтишни истардим», - деди ван Перси «Sky Sports»га берган интервьюсида.
«Унинг ҳар бир узатмаси аниқ бўлиб чиқарверди. У нимани ўйлаганларини шундоқ тушуниб турдим. У бир неча марта ўттиз-қирқ метрга ажойиб узатмаларни амалга оширди. Мен учун айнан Пол учрашувнинг энг яхши ўйинчиси бўлди».
«Мен бу буюк клубга ташаккурлар айтмоқчиман. Гарчи бу ерда ўйнаётганимга ҳали кўп вақт бўлмаган эса-да, ҳозирдан мислсиз қўллаб-қувватлашни сезмоқдаман».
«Футболчилар, клуб ходимлари ва мухлислар ушбу жамоага керак эканлигимни ҳис қилишимга замин яратишди. Уларнинг барчаси менга ёрдам беришни исташади. Улар мени қадрлашади ва уларга ҳам шундай жавоб қайтаришга интиламан».