"Сити" Премьер-лигада "Арсенал" билан курашни давом эттирмоқда. 25-турда Гвардиола шогирдлари ўтказиб юборилган тўплар бўйича АПЛ мавсум пешқадами "Борнмут" билан учрашди. Натижада улар яна тўртта гол ўтказиб юборди.

Эрлинг Холанд гол урди ва голли узатмани амалга оширди. Гарчи у 15-дақиқада голли пас беришни аниқ режалаштирмаган бўлса-да. У дарвоза тўпни тепди тўсиндан қайтган тўп Фоден томон учиб келди, у аниқ зарба берди.

Норвегиялик учун бу гол барча мусобақаларни ҳисобга олган ҳолда "Сити" учун 33 ўйинда 33-гол бўлди. Агар фақат Премьер-лигани оладиган бўлсак, бу 24-ўйиндаги 27-гол бўлди. Шу тариқа Холанд Премьер-лиганинг бир мавсумида гол уриш бўйича клуб рекордини ўрнатди. Бунгача Серхио Агуэро 2014/2015 йилги мавсумда 26 та гол билан тўпурар бўлиб қолганди. Аргентиналикнинг рекорди февраль ойидаёқ янгиланди.

Агар Холанд шу суръатда давом этса, бир мавсумда гол уриш бўйича рекордни янгилайди. Бу кўрсаткич бўйича энг яхшилари Салоҳ 32 та гол (лигада 38 турда) ва Коул/Ширер 34 гол (лигада 42 турда).

Ажабланарлиси шундаки, сўнгги кунларда "шаҳарликлар" менежери Холанддан қандай фойдаланиши учун баҳона топишга мажбур бўлди. 1/8 финалнинг "Лейпциг" билан ўйинида ҳужумчи кўринмади. Гвардиоланинг сўзларига кўра, бу норвегияликнинг айби эмас, балки унга тез-тез тўп етказиб берилмагани сабаб бўлган.

Норвегиялик ҳужумчида Премьер-лига тарихидаги энг яхши футболчига айланиш учун яна 13 тур бор.