"Челси" ярим ҳимоячиси Энцо Фернандес ўз клубини мавсум охирида ҳужумчи Жоау Феликс билан шартнома имзолашга чақирди.
Фернандес сингари Феликс ҳам "Челси"га январ ойида келиб қўшилган эди. Агар Энцо Премьер-лига учун рекорд даражадаги 107 миллион фунтга "Бенфика"дан сотиб олинган бўлса, Жоау "Атлетико"дан ижарага олинган.
"Бу ерга кўчиб келганимда, у менга қўнғироқ қилиб, ёрдам бера оласизми, деб сўради. Бирор киши билан тил топишиб кетсангиз, бу футбол майдонида катта ёрдам беради.
У ажойиб футболчи, шундай эмасми? Умид қиламизки, "Челси" уни сақлаб қолиш учун қўлидан келганини қилади", - деди Фернандес The Guardian нашрига.
