"Наполи" вингери Хвича Кварацхелия "Реал" қизиқишлари доирасида.
22 ёшли футболчини топ-клублардан бирига ўтиш билан боғлашмоқда, аммо айни дамда "Наполи" ҳужумчисига асосий даъвогар "Реал Мадрид" ҳисобланади. Таниқли инсайдер Фабрицио Романонинг сўзларига кўра, "қаймоқранглилар" раҳбарияти баъзи клублар қатори грузиялик футболчини кузатиб боришда давом этмоқда, бироқ "Наполи" ўз юлдузини ҳатто назарий даражада сотишни ҳали ўйламаяпти. Ҳозирча музокаралар олиб борилмаяпти.
Transfermarkt Хвича Кварацхелиянинг нархини 60 миллион еврога баҳоламоқда. Унинг амалдаги шартномаси 2027 йилгача мўлжалланган.
