Қозоғистоннинг Олма-ота шаҳрида ўсмирлар ўртасида Осиё чемпионати бўлиб ўтаётгани ҳақида хабар бериб ўтгандик. 1993 йил ва ундан кейин туғилган қизлар ўртасидаги мусобақада 4та жамоа иштирок этди ва бугун мусобақага якун ясалди.

Ўзбекистонлик қизлар 1-турда мезбонларга 5:9 ҳисобида имкониятни бой беришганди. Кеча терма жамоамиз япониялик қизларга қарши баҳс олиб боришди ва жуда муҳим баҳсда 11:8 ҳисобида ғалаба қозонишди.

Бугун эса қизларимиз Шри-Ланка билан баҳс юртишди ва осон ғалабани қўлга киритиши - 22:4 (9:0, 4:1, 5:1, 4:2).

Шу тариқа, терма жамоамиз Осиё чемпионатида кумуш медалини қўлга киритиш билан бирга, жаҳон чемпионати йўлланмасига ҳам эга бўлди.

Мусобақада қозоғистонлик қизлар олтин медални қўлга киритишган бўлса, японияликлар учинчи бўлишди. ЖЧ йўлланмаси эса 1 ва 2-ўринни эгаллаган терма жамоаларга тақдим этилди.

Қизлар ўртасида Осиё чемпионати натижалари:
1-кун:
Япония - Шри-Ланка - 51:4
Қозоғистон - Ўзбекистон - 9:5.
2-кун:
Ўзбекистон - Япония - 11:8
Қозоғистон - Шри-Ланка - 17:8.
3-кун:
Қозоғистон - Япония - 15:12
Ўзбекистон - Шри-Ланка - 22:4.