Бундеслиганинг 22-туридан ўрин олган "Фрайбург" билан ўйинда (1:1) ҳисобни тенглаштирган "Байер" ҳужумчиси Сердар Азмун 2022 йилнинг апрелидан бери илк бор "доришунослар" голига муаллифлик қилди.
Сердар Азмун 2022 йилнинг 22 январида “Зенит”дан Германияга кўчиб ўтиб, “Байер” футболчисига айланганди. Унинг немис жамоаси билан шартномаси 2027 йилгача мўлжалланган. Ўтган трансфер ойнасида Эрон терма жамоаси футболчисига "Марсель" қизиқиш билдирганди, аммо якунда у "Байер"да қолди.