Англия лига кубоги финал учрашуви якунига етди. Соврин учун «Манчестер Юнайтед» ва «Ньюкасл» жамоалари Лондондаги «Уэмбли» стадионида саф тортишди.

Баҳснинг 32-дақиқасида "қарғалар" ҳисобни очишга жуда яқин келишди, аммо Сен-Максимен томонидан йўлланган зарбани Давид де Хеа қайтаришга муваффақ бўлди. Орадан бир дақиқа ўтиб эса манкунианликлар ҳисобни очишди. Ўнг қанотда белгиланган жарима зарбасини Люк Шоу амалга оширди. Каземиро бош билан дарвозани ишғол қилди.

Орадан 6 дақиқа ўтиб "МЮ" иккинчи тўпни ҳам рақиб дарвозасига киритди. Аниқроғи, Ботман ўз дарвозасини ишғол қилиб қўйди: Рэшфорднинг зарбасидан кейин тўп ҳимоячига тегиб ўз йўналишини ўзгартирди ва тўрга бориб тушди.

Тайм охирида ҳар икки жамоадан биттадан яхши имконият бўлди, аммо танаффусгача ҳисоб ўзгармай қолди.

Иккинчи бўлим ўрталарида Жоэлинтон ҳисобдаги фарқни қисқартириши мумкин эди, бироқ унинг яқин масофадан йўллаган зарбасини ҳимоячи қайтариб қолди. Иккинчи бўлимга қўшиб берилган Жоэлинтон яна бир имкониятга эга бўлди, бу сафар эса Де Хеа қутқарди.

Шу тариқа, Эрик тен Хаг жамоаси Англия лига кубогини қўлга киритди.

Англия лига кубоги, финал
Манчестер Юнайтед – Ньюкасл 2:0 (2:0)
Голлар: 1:0 – 33 Каземиро, 2:0 – 39, автогол Ботман.
Манчестер Юнайтед – Де Хеа, Диогу Далот (Уан-Биссака, 46), Варан, Мартинес, Шоу, Каземиро, Фред (Забитцер, 69), Бруну Фернандеш, Вегорст (Мактомини, 70), Рэшфорд, Антони (Санчо, 83).
Ньюкасл – Кариус, Триппьер, Шер, Ботман, Берн, Бруно Гимараэс (Уиллок, 79), Лонгстафф (Исак, 46), Альмирон, Уилсон, Сен-Максимен (Мерфи, 78), Жоэлинтон.
Огоҳлантиришлар: Диогу Далот (9), Фред (37), Жоэлинтон (45), Каземиро (87).