«Манчестер Юнайтед» Жозе Моуриньодан кейин илк совринини қўлга киритди.

Бугун Англия Лига кубоги финалида «Манчестер Юнайтед» «Ньюкасл Юнайтед»ни 2:0 ҳисобида мағлуб этди.

2017 йилнинг май ойида Манчестер клуби финалда «Аякс»ни 2:0 ҳисобида мағлуб этиб, Европа Лигаси ғолибига айланганди. Ўша йили Лига кубогида ҳам ғалаба қозонилди.

2017 йил август ойида «МЮ» УЕФА Суперкубоги учун «Реал Мадрид»га ютқазди (1:2). Шундан бери улар соврин қўлга киритмади ва фақат бир марта финалда ўйнади — 2021 йилда Оле-Гуннар Сульшер жамоаси «Вильярреал»га ЕЛ финалида имкониятни бой берди.