"ПСЖ" ва Аргентина терма жамоаси ҳужумчиси Лионель Месси "The Best"да йилнинг энг яхши футболчиси совринини олади. Бу ҳақда Марcа хабар бермоқда. Манбага кўра, Месси овоз беришда Карим Бензема ва Килиан Мбаппени ортда қолдирди.
Йилнинг энг яхши дарвозабони деб Аргентина терма жамоаси билан биргаликда жаҳон чемпионатида ғолиб чиққан Эмилиано Мартинес тан олинади. У Тибо Куртуа ва Ясин Бонони ортда қолдирди. Аргентина терма жамоаси бош мураббийи Лионель Скалони йилнинг энг яхши мураббийи деб топилади. У Карло Анчелотти ва Пеп Гвардиолани ортда қолдирди.
Мукофотни топшириш маросими бугун, 27 феврал куни Парижда бўлиб ўтади. Маросим Тошкент вақти билан 01:00да бошланади.
