"Ливерпуль" ҳимоячиси Эндрю Робертсон жамоасининг Чемпионлар Лигаси зонасига кириш имкониятларига баҳо берди. Мерсисайдликлар охирги марта 2015/16 йилги мавсумда мавсумни тўртинчи поғонадан пастроқ якунлаганди.
“Жамоа ҳар доим охиригача курашишга ҳаракат қилади. Чемпионатда мавсум охирида кутилмаганда яхши формани намойиш этадиган жамоа бўлади. Ҳатто “Халл Сити”да ўйнаб, омон қолиш учун курашганимда ҳам шундай эди. Биз қулай ҳолатда қолишимиз ва юқорида жойлашган клубларга босим ўтказишимиз керак", - дея Робертсоннинг сўзларини келтиради Liverpool Echo
“Ливерпуль” айни дамда АПЛ турнир жадвалида 7-ўринда бормоқда. Кучли 4 ликдан фарқ 9 очкони ташкил этади.
