"Манчестер Сити" бош мураббийи Хосеп Гвардиола "Ман Юнайтед"нинг Англия лига кубогидаги муваффақияти ҳақида фикр билдирди.
"Манчестер Юнайтед" Лига кубоги финалида "Ньюкасл Юнайтед"ни 2:0 ҳисобида мағлуб этиб, Эрик тен Хаг қўл остида ўзининг илк совринини қўлга киритди.
"Манчестер Юнайтед"ни ушбу муваффақият билан табриклайман. Бу эртами кечми содир бўлиши керак эди, тўғрими? Чемпионлар сафига хуш келибсиз", - деди "шаҳарликлар" бош мураббийи.
Айни дамда "Манчестер Сити" 55 очко билан АПЛ турнир жадвалида иккинчи, "Юнайтед" 49 очко билан учинчи ўринда бормоқда.
Сешанба куни Гвардиола жамоаси Англия кубоги доирасида "Бристол Сити"га қарши майдонга тушади.
