Вьетнамдаги халқаро мусобақада иштирок этаётган Ўзбекистон ёшлар (U19) терма жамоаси иккинчи ўйинда мағлубиятга учради.
Эронга қарши учрашувнинг ҳар иккала бўлимида футболчиларимиз ўз дарвозаларидан биттадан тўп ўтказиб юборишди. Ўйин тугашига 18 дақиқа қолганида эса ҳисобни биттага қисқартира олишди.
Ушбу ғалабадан кейин Эрон ҳисобида очколар сони 6та етди ва амалда финал йўлланмасини ҳал қилди. Финалда қайси жамоа билан ўйнаши эса 6 сентябрь куни бўлиб ўтадиган 3-тур ўйинларидан кейин маълум бўлади.
Хабарингиз бор, Эрон ёшлар терма жамоаси август ойида Ўзбекистонга ташриф буюриб, вакилларимиз билан 2та ўртоқлик учрашувини ўтказганди. Уларнинг бирида форслар, иккинчисида эса терма жамоамиз ғалаба қозонганди. Аҳмаджон Мусаев шогирдлари Вьетнамга қарши кечадиган баҳсда ижойиб натижага эришиб, финалга чиқишса, Эрондан реванш олиш имкониятига эга бўлишади.
ВЕЬТНАМ ХАЛҚАРО ТУРНИРИ
ЎЗБЕКИСТОН - ЭРОН - 1:2
Голлар: Голлар: Игорь Сергеев (71) - Арба Арги (29), Рузбеҳ Чашмий (63)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Эрон U19 | 2 | 2 | 0 | 0 | 4-2 | 6 |
| 2 | Ўзбекистон U19 | 2 | 1 | 0 | 1 | 3-3 | 3 |
| 3 | Австралия U19 | 1 | 0 | 0 | 1 | 1-2 | 0 |
| 4 | Вьетнам U19 | 1 | 0 | 0 | 1 | 1-2 | 0 |
