Мадриднинг “Реал” клуби мухлислари марказий ҳимоячи Давид Алабани ФИФА талқини бўйича йилнинг энг яхши футболчиси Лионель Мессига овоз бергани учун танқид қилишди. Австриялик футболчи аргентиналик футболчини "Олтин тўп"нинг амалдаги соҳиби Карим Бенземадан устун қўйди.

Бензема сўнгги Чемпионлар Лигаси ва Испания чемпионатининг энг яхши тўпурари бўлди. Футболчи барча мусобақаларда 42 та гол уриб, 14 та голли узатмани амалга ошириб, "Реал"га иккала совринни ютишда ёрдам берди. Месси ўз навбатида 7 та гол билан жаҳон чемпионати тўпурарлари рўйхатида иккинчи ўринни эгаллади ва Аргентина терма жамоаси таркибида кубокни қўлга киритди.

Алаба The Best мукофоти учун овоз беришда Мессини биринчи, Бензема эса иккинчи ўринга қўйди. "Реал" мухлислари ғазабланишди ва ижтимоий тармоқларда Alaba out (Алаба, кет ) хэштеги билан пост ёзишди.

Эслатиб ўтамиз, Давид ўзининг иккинчи мавсумини "Реал"да ўтказмоқда. Футболчи айни дамда жароҳатини даъволатмоқда.