Madridning “Real” klubi muxlislari markaziy himoyachi David Alabani FIFA talqini bo‘yicha yilning eng yaxshi futbolchisi Lionel Messiga ovoz bergani uchun tanqid qilishdi. Avstriyalik futbolchi argentinalik futbolchini "Oltin to‘p"ning amaldagi sohibi Karim Benzemadan ustun qo‘ydi.

Benzema so‘nggi Chempionlar Ligasi va Ispaniya chempionatining eng yaxshi to‘purari bo‘ldi. Futbolchi barcha musobaqalarda 42 ta gol urib, 14 ta golli uzatmani amalga oshirib, "Real"ga ikkala sovrinni yutishda yordam berdi. Messi o‘z navbatida 7 ta gol bilan jahon chempionati to‘purarlari ro‘yxatida ikkinchi o‘rinni egalladi va Argentina terma jamoasi tarkibida kubokni qo‘lga kiritdi.

Alaba The Best mukofoti uchun ovoz berishda Messini birinchi, Benzema esa ikkinchi o‘ringa qo‘ydi. "Real" muxlislari g‘azablanishdi va ijtimoiy tarmoqlarda Alaba out (Alaba, ket ) xeshtegi bilan post yozishdi.

Eslatib o‘tamiz, David o‘zining ikkinchi mavsumini "Real"da o‘tkazmoqda. Futbolchi ayni damda jarohatini da’volatmoqda.